Այս տարի ճանապարհային ոստիկանները մեծ առաջընթաց են գրանցել

Ամփոփելով 2010 թվականը` ճանապարհային ոստիկանության պետ, ոստիկանության գնդապետ Մարգար Օհանյանը նշել է, որ այս տարի իրենք մեծ առաջընթաց են գրանցել, ինչի համար մեծապես շնորհակալ են առաջին հերթին լրատվամիջոցներին: «Եթե դառը ճշմարտություն են գրել, մենք դրանից սթափվել ենք: ԶԼՄ-ները մեզ հետ հավասար աշխատել են`քննադատելով մեզ, խախտում կատարող վարորդին և հետիոտնին, պաշտոնատար անձանց և նրանց երեխաների կատարած խախտումները լուսաբանել են»: Ներկայացնելով 2010 թվականի ճանապարհատրանսպորտային պատահարները՝ Մ.Օհանյանն ասել է, որ 2008-2009թթ. համեմատ 2010 թվականին թե պատահարների, թե զոհերի, թե վիրավորների թիվը նվազել է: 2008 թվականին արձանագրվել է 2200 ճանապարհատրանսպորտային պատահար, 2009 թվականին այդ թիվը նվազել է 200-ով, իսկ 2010-ին, 2009-ի համեմատ, 53-ով:Նվազել է նաև ճանապարհատրանսպորտային պատահարների հետևանքով գրանցված զոհերի թիվը`2008թ՝ 407 զոհ, 2009թ.՝ 72 զոհ, 2010թ.`36 զոհ։