«2010 թ. առանձնահատուկ էր նրանով, որ տեղի ունեցավ նախընտրական շրջանի ֆալս ստարտը»,- այսօր ասաց ԱԺ ՀՅԴ խմբակցության պատգամավոր Արա Նռանյանը` նշելով, որ գրեթե բոլոր քաղաքական ուժերը, այդ թվում ՀՀԿ-ն ժամանակից շուտ սկսեցին նախընտրական քարոզարշավը: «Դա խոստանում է լուրջ իրադարձություններ 2011 թվականին. մենք պետք է պատրաստվենք նոր փոփոխությունների թե՛ քաղաքական դաշտում, թե՛ ուժերի վերադասավորման առումով: Հաշվի առնելով այն, որ ճգնաժամի պայմաններում եկամուտները նվազում են, առաջանալու է շահերի բախում տնտեսական խմբերի միջև, քանի որ, երբ ընդհանուր բլիթը փոքրանում է, ոչ թե ախորժակներն են պակասում, այլ մասնակիցները փորձում են թույլ չտալ իրենց բաժնի փոքրանալը` կոմպենսացնելով դա մյուսների հաշվին: Սա նշանակում է, որ կշարունակվեն այնպիսի օրինագծեր բերվել, որոնք հարվածում են այս կամ այն բիզնեսին»,- ասաց պատգամավորը: