Հայաստանի ազգային հավաքականի և «Խիմկի»-ի դարպասապահ Ռոման Բերեզովսկին պատմել է, որ ոչ հաճախ է մտածում իր մարզական կարիերան ավարտելու մասին.
«Երբ լրացավ 31-ամյակս, լուրջ խնդիրներ ունեցա` կապված մեջքիս հետ: Այդ ժամանակ կասկածում էի, որ կշարունակեմ մարզական կարիերաս: Այդ դժվարությունները ես հաղթահարեցի, սակայն անցած տարի ցավերը վերսկսեցին: Վիրահատության անհրաժեշտություն առաջացավ, որը, բարեբախտաբար, հաջող անցավ:
Հիմա ինձ լավ եմ զգում, սակայն չեմ թաքցնի, որ յուրաքանչյուր մրցաշրջանի մեկնարկին մտածում եմ, որ այն իմ ֆուտբոլային կարիերայում վերջինը կդառնա, սակայն կարողանում եմ ևս մեկ մրցաշրջան անցկացնելու համար ուժ գտնել: Որքան այսպես շարունակվում է, խաղալու ցանկությունն ինձ մոտ ավելի է մեծանում»,- Բերեզովսկիին մեջբերում է Onedivision-ը: