Հոկտեմբերի 21-ին թուրքական առաջատար Hurriyet թերթը գրել է, որ ՆԱՏՕ-ի հակահրթիռային ծրագրի շուրջ առաջացած լարվածությունից հետո ամերիկյան կողմը կրկին փորձում է խաղարկել ցեղասպանության խաղաքարտը:
Հանդիպելով տեսակետներում առաջացած տարբերությունների՝ ԱՄՆ-ն զգուշացրել է Թուրքիային, որ ի վիճակի չի լինի արգելափակել Կոնգրեսում Ցեղասպանության վերաբերյալ բանաձեւը:
Թուրքական իշխանությունների հետ հարաբերություններում, ամերիկյան կողմը նշում է, որ Իրանը, լարվածությունը Իսրայելի հետ եւ հակահրթիռային քաղաքականությունում եղած խնդիրները պայմանավորելու են երկկողմ հարաբերությունները: Քանի դեռ այս երեք հարցերում առաջընթաց չկա, Վաշինգտոնը դիվանագիտական խողովակներով հասկացել է, որ Թուքիան չպետք է զարմանա, եթե մինչեւ տարվա վերջ Ցեղասպանության ճանաչումը տեղի ունենա:
Եթե Թուրքիան փորձի խոչընդոտել ՆԱՏՕ-ի հակահրթիռային ծրագրերին, ապա կկորցնի դաշինքի վստահությունը, եւ կամրապնդի այն միտքը, որ Թուրքիան հեռանում է Արեւմուտքից, ասել է Սերդար Էրդուրմազը, «Թյուքսամ» վերլուծական կենտրոնի փորձագետ, նախկինում թուրքական բանակի պաշտոնյա:
«Վերջիվերջո, ՆԱՏՕ-ին «այո» կամ «ոչ» ասելը լուրջ փորձություն կլինի թուրքական արտաքին քաղաքականության եւ ինքնագիտակցության կոնցեպտի համար», ասել է Milliyet թերթի իր սյունակում գրում է Սամի Քոենը:
Քոենի կարծիքով, թերահավատությունը Թուրքիայի նկատմամբ առաջացել է այն ժամանակ, երբ այդ երկիրն ուղղվեց դեպի Մերձավոր Արեւելք եւ սերտ կապեր հաստատեց Իրանի հետ:
Հոդվածն ամբողջությամբ կարող եք կարդալ http://www.hurriyetdailynews.com կայքում: