Reuters-ը, հղում կատարելով Zogby International հետազոտական խմբի հրապարակած հաշվետվությանը, հայտնում է, որ մարդու վրա ամենամեծ տեխնոլոգիական ազդեցությունն անցյալ տասնամյակի ընթացքում գործել է արագ ինտերնետը:
Հարցման արդյունքը, որն անց է կացվել 1950 չափահաս ամերիկացիների շրջանում, ցույց է տալիս, որ հարցվածների 28%-ի համար արագ ինտերնետն այն տեխնոլոգիան է, առանց որի` անհնար է գոյատևել:
Երկրորդ տեղը գրավել է էլեկտրոնային փոստը` 18%: Zogby-ի այն հարցին, թե որ տեխնոլոգիան է ամենաշատ ազդեցությունն ունեցել իրենց կյանքում, 22%-ը պատասխանել է, որ Facebook-ը, իսկ 10%-ն իրենց նախապատվությունը տվել են Google-ին:
Հաջորդ տասնամյակի տեխնոլոգիաների մասին հարցին, մասնակիցների 43%-ը կարծիք է հայտնել, որ մոտակա տասնամյակների ընթացքում ցողունային բջիջները մշտապես կօգտագործվեն մարդու օրգանների կլոնավորման և փոխպատվաստման համար: Մնացած 40%-ը գտնում են, որ մինչև 2020թ.-ը մարդկանց մեջ կներդրվեն հատուկ համակարգչային սարքեր, որոնք պետք է հետևեն նրանց առողջությանը:
