Ջեյմս Քեմերոնի ֆանտաստիկ «Ավատար» ֆիլմը դարձել է 2010 թ. տոռենտ ծրագրի միջոցով ամենաշատ ներբեռնվող ֆիլմը: Այսպիսի վիճակագրություն է բերում TorrentFreak կայքը, որը հիմնված է ամենամեծ տոռենտ-կայքերի փոխանցած տվյալների վրա:
BitTorrent-ի միջոցով ընդհանուր առմամբ այս ֆիլմը ներբեռնել է 16.5 մլն մարդ: «Ավատարը» դարձել է նաև Blu-Ray ֆորմատով ամենաշատը ներբեռնվող ֆիլմը. ֆիլմի ցուցադրումից հետո, 4 օրվա ընթացքում այդ ֆորմատով այն ներբեռնել է 200 հազար մարդ:
Երկրորդ տեղը գրավել է ռեժիսոր Մեթյու Վոնի «Kiss Ass» երգիծական ֆիլմը: Այն ներբեռնել են 11.5 միլիոն անգամ:
Հատկանշական է, որ վարկանշային ցուցակում չեն հայտնվել «Խաղալիքների պատմություն – 3» և «Ալիսան հրաշքների աշխարհում» ֆիլմերը, որոնք դարձել են ամենաշատ վաճառվող կոմերցիոն ֆիլմերը:
Ամբողջական ցանկն ունի այսպիսի տեսք.
«Ավատար» (16.580.000 ներբեռնում)
«Kiss Ass» (11.400.000 ներբեռնում)
«Սկիզբ» (9.720.000 ներբեռնում)
«Անիծյալների կղզին» (9.490.000 ներբեռնում)
«Երկաթյա մարդը – 2» (8.810.000 ներբեռնում)
«Տիտանների պատերազմ» (8.040.000 ներբեռնում)
«Կենդանի չվերցնել» (7.730.000 ներբեռնում)
«Շերլոկ Հոլմս» (7.760.000 ներբեռնում)
«Փոթորկի տիրակալը» (6.850.000 ներբեռնում)
«Սոլթ» (6.700.000 ներբեռնում)
Անցյալ տարի տոռենտ ցանցերում ամենաշատ ներբեռնվող ֆիլմը Ջեյ Ջեյ Աբրամսի գիտաֆանտաստիկ մարտական «Աստղային ուղի» ֆիլմն է եղել: