Ինչպես հաղորդում է բրիտանական ВВС-ն, գերմանական Deutsche Bank-ը ամերիկյան կառավարությանը կվճարի 554 մլն դոլար: Այս մասին հայտնի է դարձել հետաքննության արդյունքում, որը պարզել է, որ բանկն օգնել է մի շարք հարուստ մարդկանց խուսափել ամերիկյան հարկերից:
Այս գումարի մեջ մտել են նաև այն հարկերն ու տոկոսները, որից ամերիկյան բյուջեն զրկվել է:
Ինչպես հայտնել են ամերիկյան իրավապահները, բանկը խոստացել է, որ հետագայում էլ պատրաստվում է համագործակցել ԱՄՆ իշխանությունների հետ, ինչը ենթադրում է, որ բանկի ղեկավարությունը ամերիկյան համապատասխան ծառայություններին ներկայացնելու է 1996-2002 թթ. բանկային ինֆորմացիան:
