Թուրքական Takvim թերթին հայտնի է դարձել, որ Թուրքիայի կառավարությունը Քրդստանի աշխատավորական կուսակցությունը ցրելու ծրագիր է մշակել: Եթե արտառոց բան տեղի չունենա, ապա ՔԱԿ-ը մոտ ժամանակներս կկազմալուծվի: Թուրքական կառավարությունը բանակցություններ է վարում այս ուղղությամբ բանտում գտնվող ՔԱԿ առաջնորդ Աբդուլլահ Օջալանի հետ: Կառավարության ծրագիրը ներառում է հետեւյալ կետերը.
1. բոլոր գրոհայինները կհավաքվեն Քադիլիա քաղաքում (Հյուսիսային Իրաք) եւ նրանց անձը կհաստատվի,
2. ահաբեկչական գործողությունների մեջ մեղավորները կպատժվեն,
3. ահաբեկիչների քաղաքացիությունը կորոշվի եւ կպարզվի, թե ովքեր են ցանկանում վերադառնալ իրենց երկրները,
4. Թուրքիայի, Հյուսիսային Իրաքի քրդական վարչակազմի, Սիրիայի, Իրանի, ՄԱԿ-ի եւ ԵՄ-ի միջեւ համատեղ աշխատանքի արդյունքում արտասահմանցիները կփոխադրվեն իրենց երկրներ,
5. ՔԱԿ մոտ 200 անդամներ կտեղափոխվեն եվրոպական երկրներ,
6. ՔԱԿ զենքն ու զինամթերքը կփոխանցվեն Հյուսիսային Իրաքի քրդական վարչակազմին: