Արտաքին քաղաքականության, անվտանգության և միջազգային հարաբերությունների հարցերով փորձագետ, Heritage Foundation-ի` Ռուսաստանի, Եվրասիայի և միջազգային էներգետիկ անվտանգության հարցերով փորձագետ Արիել Քոհենը
ադրբեջանական Тrend գործակալությանը հայտնել է, թե հիասթափված է, որ Աստանայում կայացած ԵԱՀԿ գագաթնաժողովում, «չնայած առկա հույսերին, Հայաստանը չգնաց գոնե երկու գրավյալ շրջանների ազատմանը»:
Քոհենը ափսոսանք է հայտնել, որ Աստանայի գագաթնաժողովը Հայաստանի և Ադրբեջանի ղեկավարների կողմից օգտագործվել է որպես միմյանց հասցեին մեղադրանքներ հնչեցնելու հարթակ` առաջընթացի և խաղաղ կարգավորման հասնելու բացակայության պայմաններում: «Ցավոք, 2011-ի կանխատեսումները Լեռնային Ղարաբաղի հակամարտության վերաբերյալ մխիթարական չեն: Հազիվ թե հակամարտության կարգավորման գործընթացում բեկման հեռանկար լինի, առավել ևս, որ նման հրաշալի հնարավորություն, ինչպիսին էր ԵԱՀԿ գագաթնաժողովը, կողմերը բաց թողեցին»:
Քոհենի հավաստմամբ` 2011 թվականին ԱՄՆ-ը կկանգնի 2012 թվականի ընտրությունների հարցի առաջ, բացի այդ` 2011-ը բեկումնային կլինի, անգամ ծայրահեղ, Աֆղանստանում կոալիցիոն ուժերի գործողությունների համար. «Սա նշանակում է, որ ԱՄՆ-ն այլ առաջնահերթություններ կունենա և այնպիսի կարևոր հակամարտության, ինչպիսին մերձավորարևելյանն է, Վաշինգտոնը, դատելով պետքարտուղար Հիլարի Քլինթոնի վերջին հայտարարություններից, պետք է ուղադրություն դարձնի ավելի քիչ, քան հիմա: Այդ իսկ պատճառով` բարդ հակամարտությունները, որոնցում դանդաղ քաղաքական և PR դիվիդենտեներ ձեռքբերելը Վաշինգտոնի համար այնքան էլ մեծ չէ »: Ինչ վերաբերում է Ռուսաստանի առաքելությանը, ապա, փորձագետի կարծիքով, ամեն ինչ միանշանակ չէ:
ՌԴ նախագահ Դմիտրի Մեդվեդևի կողմից, ըստ Քոհենի, արդեն իսկ մեծ ջանքեր և ժամանակ է գործադրվել հակամարտության կարգավորման ուղղությամբ: Նրա կարծիքով` ակնհայտ է, որ Ադրբեջանը պատրաստ է լուրջ զիջումների և հնարավոր է, որ նախագահ Մեդվեդևը գիտակցում է, թե որ կողմից է գործընթացի արգելակումը և կարգավորման խոչընդոտումը. «Մյուս կողմից, Հայաստանի և Ռուսաստանի պատմական կապերը չեն կարող սասանվել Ադրբեջանի` հակամարտության լուծման պատրաստակամության արդյունքում: Դեպի ԱՄՆ Հայաստանի լուրջ կողմնորոշումից բացի, ինչը, ի դեպ, հնարավոր է ապագայում, ոչինչ ուժերի հարաբերակցությունը չի փոխի»,- նկատել է Քոհենը: