Nissan Motor Co. ընկերության տնօրեն Կառլոս Գոնը հայտարարել է, որ ընկերությունը արտադրությունը աստիճանաբար տեղափոխում է Թաիլանդ, Չինաստան և Մեքսիկա, որպեսզի թուլացնի ուժեղ յենի բացասական ազդեցությունը ընկերության ֆինանսական ցուցանիշների վրա: Այս մասին հայտնում է Bloomberg գործակալությունը:
«Դժվար է երկիր ներկրել առանց որևէ վերադարձի: Ուժեղ յենը մեծ պատնեշ է ընկերության համար»,- ասել է Գոնը:
Վերջին վեց ամիսների ընթացքում յենը թանկացել է ավելի քան 9 տոկոսով, որը ամենաբարձր արդյունքն է տարբերի երկրների տասը արժույթների համար: Ազգային արժույթի ամրապնդումը այս տարվա առաջին կիսամյակին կրճատել է ճապոնական ավտոարտադրողների եկամուտը 330 միլիարդ յենով:
«Եթե ճապոնական արտահանողները Ճապոնիայից արտադրությունը տեղափոխեն, ապա տուժելու է աշխատաշուկան»,- նշել է Գոնը:
Ըստ ավտոարտադրողների ճապոնական ասոցիացիայի` Ճապոնիայում ավտոմեքենաների վաճառքը կրճատվել է 14 տոկոսով: Ավտոարդյունաբերության բնագավառում ուժեղ հարված է հասցրել նաև մարտյան երկրաշարժը: Երկրաշարժից ու ցունամիից հետո ճապոնացի ավտոարտադրողները երկու շաբաթվա ընթացքում չեն թողարկել 65 տոկոս մարդատար ավտոմեքենա` մոտավորապես 338 հազար մեքենա:
