Գերմանական հայտնի Daimler ավտոմոբիլային կոնցեռնը հրաժարվել է Maybach էքսկլյուզիվ և ամենաթանկ դասային մեքենաների արտադրությունից: ИТАР-ТАСС-ի փոխանցմամբ՝ այս մասին հայտնել է կոնցեռնի խորհրդի նախագահ Դիտեր Ցետշենը:
Daimler-ը նման որոշման հանգեց այն բանից հետո, երբ կոնցեռնի սպասելիքները՝ կապված Maybach-ի իրացման հետ, չարդարացան: 2009 և 2010 թթ. նախատեսված հազար հինգ հարյուրի փոխարեն, երկու տարի շարունակ վաճառքի քանակը չգերազանցեց երկու հարյուրը:
Հիշեցնենք, որ այս մոդելի մեքենայի արտադրության վրա աշխատում են 150 մասնագետներ, որով էլ պայմանավորված է 300.000 եվրո գինը:
Կոնցեռնն ամբողջ ներուժը կենտրոնացնելու է իր հիմնական ապրանքանիշի՝ նոր Mercedes S դասի ավտոմեքենայի արտադրության վրա: