Կենցաղային տեխնիկայի համաշխարհային առաջատար արտադրողներից Samsung Electronics ընկերությունը և «Մարկ Ինթերնեյշնլ» ՀՁ ՍՊԸ-ն այսօր` նոյեմբերի 22-ին, եռամսյա վերանորոգումից հետո վերաբացեցին Ամիրյան 12 հասցեում գտնվող Samsung ֆիրմային խանութը:
Samsung Electronics-ի հայաստանյան ներկայացուցչության ղեկավար Անդրանիկ Շահբազյանը «Առաջին լրատվական»-ի հետ զրույցում ասաց, որ նորաբաց Samsung ֆիրմային խանութը ներկայանում է Samsung ընկերության նորագույն տեխնոլոգիական ձեռքբերումներով ու լուծումներով, որոնք առաջին հերթին արտահայտված են Samsung ընկերության` 3D ֆունկցիայով աշխատող Samsung Smart TV հեռուստացույցներով, Samsung Eco Bubble լվացքի մեքենաներով, սառնարաններով, նոութբուքերի մեծ տեսականիով և կենցաղային այլ տեխնիկայով:
Հայաստանում Samsung ընկերության պաշտոնական գործընկեր, «Մարկ Ինթերնեյշնլ» ՍՊԸ-ի տնօրեն Արմեն Ախնազարյանն էլ իր հերթին հավելեց, որ խանութը երևանցիներին ներկայանում է նոր դիզայներական լուծումներով և մարդկանց հնարավորություն է տալիս ունենալ նորագույն կենցաղային տեխնիկա:
Samsung-ի հետ համագործակցությանն անդրադառնալով` Ա. Ախնազարյանն ասաց, որ այն տասնամյակի պատմություն ունի և սկսվել է Samsung-ի առաջին մոնոբրենդի խանութի բացմամբ: «1996 թվից մինչ օրս մենք համագործակցում ենք միայն Samsung-ի հետ»,- խոստովանեց Ա. Հախնազարայնը:
Ամիրյան 12 հասցեում գտնվող` 1996 թ. հիմնադրված խանութ-սրահը եղել է Հայաստանում Samsung ընկերության առաջին վաճառասրահը:
Խանութ-սրահում ցուցադրված են էլեկտրոնիկայի նորագույն նմուշները: Բացի այս վաճառասրահից` Samsung ֆիրմային խանութներ են գործում Մաշտոցի 15 հասցեում և Գյումրիում: