Այսօրվա մամուլի ասուլիսում «Առաջին լրատվականի» դիտարկմանը, թե՝ որոշ բարձրաստիճան պաշտոնյաներ նշում են, որ հայերենով բարձրագույն կրթություն ստանալ հնարավոր չէ, պարոն Երիցյանը բացասաբար է վերաբերվում՝ նշելով, որ մենք տալիս ենք բարձրակարգ մասնագետներ, անգամ արտերկրից գալիս են մեզ մոտ բարձրագույն կրթություն ստանալու: Խնդիր կա ոչ միայն լավ մասնագետ կերտելու, այլ լավ գիտնական, այս առումով թերություններ կան: Այս տարվա ուսումնասիրության համաձայն` Երևանում օրենսդրական խախտումները ահավոր չափերի են հասել, և այդ պատճառով հարկավոր է նոր օրենք ընդունել: Երիցյանը նշում է, որ ավանդական կրթության մեթոդները հնացել են, անհրաժեշտ է նորագույն տեխնիկա կիրառել: Օրինակ` հին գրատախտակները հարկավոր է փոխարինել էլեկտրոնայիններով, պետք է խորացնել համակարգչային դասընթացները և այլն:
Իսկ այն հարցին, թե հնարավո՞ր է՝ Երիցյանը վերադառնա ՕԵԿ, նա պատասխանեց. «Ես այստեղ եմ, և ոչ մի տեղ չեմ գնալու…»։
