ՌԴ վարչապետ Վլադիմիր Պուտինն ու նրա թուրք պաշտոնակից Ռեջեփ Թայիփ Էրդողանը հեռախոսային զրույցում քննարկել են 2018 թ. աշխարհի ֆուտբոլի առաջնության օբյեկտների շինարարությանը թուրքական ընկերությունների մասնակցության հնարավորությունը: Այս մասին հաղորդել է Trend գործակալությունը:
Հիշեցնենք, որ Ռուսաստանը դեկտեմբերի 2-ին ստացել այդ առաջնության անցկացման իրավունքը:
Ինչպես ասել է Ռուսաստանի վարչապետի խոսնակ Դմիտրի Պեսկովը, «զրույցի ընթացքում քննարկվել են երկու երկրների առևտրա-տնտեսական հարաբերությունների խնդիրները, այդ թվում՝ հարցեր, որոնք առնչվում են 2018 թ. աշխարհի ֆուտբոլի առաջնության մարզական օբյեկտների կառուցման գործին մասնակցելու՝ թուրքական կազմակերպությունների հետաքրքրությունների հետ»:
Էրդողանի հետ զրույցի համար Պուտինը ստիպված մի քանի րոպեով լքել է դեղագործության և բժշկական արդյունաբերության խնդիրներին վերաբերող խորհրդակցությունը: