Ռուսաստանում Իրանի դեսպան Մահմուդ Ռեզա Սաջադին Gazeta.ru-ին տված հարցազրույցում հայտարարել է, որ Ռուսաստանն անցել է պատժամիջոցների սահմանը` Իրանին չվաճառելով C-300 հակահրթիռային համակարգերը:
«Այն, որ Ռուսաստանը չի կատարել իր պարտավորությունները եւ C-300 համակարգերը չի տրամադրել Իրանին, շատ բացասաբար է անդրադառնում Իրանում Ռուսաստանի հանդեպ հասարակական կարծիքի վրա: Հատկապես, դա տեղի ունեցավ այն բանից հետո, երբ տիկին Քլինթոնը հայտարարեց, թե C-300-ները չեն մտնում պատժամիջոցների բնորոշման մեջ, սակայն եթե Ռուսաստանը դրանք չտրամադրի Իրանին, մենք նրանց շնորհակալ կլինենք»,- ասել է Մահմուդ Ռեզա Սաջադին:
«Մյուս պետությունների հետ այսօրինակ պահվածքը շատ երկար տարիներ մնում է ժողովուրդների հիշողության մեջ: Օրինակ, երբ ես շփվում եմ եգիպտացի գործընկերների հետ, նրանք հիշում են, որ 1973թ. պատերազմի ժամանակ Խորհրդային Միությունը եգիպտական կողմին չի տրամադրել հրթիռներ, ինչն էլ պարտության պատճառ է դարձել: Դուք գիտեք, որ այս պատերազմից անցել է մի քանի տասնամյակ, սակայն դա չի մոռացվել»,- ավելացրել է նա: