Թուրք-եվրասիական խորհուրդների ղեկավար Թուրգյուլ Էրքինը «Աքշամ» թերթին տված հարցազրույցում ասել է, որ թուրքական ընկերությունները նախատեսում են ստանալ Ռուսաստանում կայանալիք ֆուտբոլի 2018 թ. աշխարհի առաջնության օբյեկտների շինարարության մինչև 35%-ը:
Քաթարում և Ռուսաստանում աշխարհի առաջնությունների անցկացումը ոգևորել է թուրք գործարարներին, որոնք ակնկալում են ստանալ մոտ 100 մլրդ դոլարի շինարարական պատվերներ:
«Թուրքական ընկերությունները, որոնք աշխատում են Ռուսաստանում, վաղուց դուրս են եկել շինարարական ծրագրերի սահմանից: Նրանք շահում են խոշոր տենդերներ, իրականացնում են այնպիսի ծրագրեր, որոնք պահանջում են տեխնոլոգիաների կիրառում: Այդ պատճառով կարծում եմ, որ մենք ունեք լուրջ հեռանկար հսկայական այս շուկայում, որն առաջացել է աշխարհի առաջնության (Ռուսաստանում) անցկացման հետ կապված, և մենք կստանանք պատվերների մոտ 35%-ը»,- ասել է է Էրքինը:
Այս պահին Ռուսատանում գործում են 44 թուրքական ընկերութjուններ: 1980-ականների վերջից նրանց կողմից Ռուսաստանում կառուցվել է մոտ 800 օբյեկտ`20 մլրդ դոլարի սահմաններում, մատուցվել են 12 մլրդ դոլարի ծառայություններ:
