Ինչպես ասվում է JPMorgan Chase&Co. բանկի հրապարակած կանխատեսման մեջ, մինչև 2012 թ. ավարտը նավթի գինը կարող է հասնել 120 դոլարի: Այս կանխատեսումը պայմանավորված է զարգացող երկրներում նավթի պահանջարկով: «Նավթի նկատմամբ արագ աճող պահանջակն առաջիկա 24 ամիսների ընթացքում կհանգեցնի OPEC-ում նավթի գների բարձրացման` հասնելով 2008 թ. առավելագույն գներին»,- ասված է հաղորդագրության մեջ:
2011 թ. փորձագետների կանխատեսմամբ, նավթի գները կհասնեն WTI (Light Sweet Crude Oil) մակնիշի նավթի համար մինչև 93 դոլարի, իսկ Brent-ի համար` 95 դոլարի: Հաջորդ տարվա առաջին կիսամյակի ընթացքում նավթի գները կանխատեսվում են 100 դոլարի սահմաններում: Այդ սահմանը հատելուց հետո OPEC-ը կավելացնի արդյունահանման մասնաբաժինները: 2011-2012 թթ. կպահպանվի այն տեմպը, երբ ամեն հաջորդ ամիս նավթը կթանկանա 4%-ով: