Բրիտանական լրատվամիջոցները հայտարարում են, որ HSBC հայտնի բանկը մեղադրվում է Բեռնարդ Մերդոքի ֆինանսական խարդախությունների մեջ ներգրավված լինելու մեջ: Հիշեցնենք, որ 2008 թ. դեկտեմբերին ԱՄՆ իրավապահները ձերբակալել են NASDAQ բորսայի տնօրենների խորհրդի նախագահ Բեռնարդ Մերդոֆին, որը ստեղծել էր «ֆինանսական բուրգ» և մի քանի տասնյակ միլիարդ դոլարի խարդախություններ կատարել: Մերդոֆն արդեն դատապարտվել է 150 տարվա ազատազրկման, սակայն կարողացել է վերադարձնել ընդամենը 1.5 մլրդ դոլար:
Ընդդեմ բանկի հայցով Մանհեթենի դաշնային դատարան է դիմել փաստաբան Իրվինգ Պիկարդը, որը Մերդոֆի խարդախությունների հետևանքով տուժածների շահերի ներկայացուցիչն է: Հայցի մեջ նշված է 9 մլրդ դոլար գումարը, որը հայցվորը պահանջում է բանկից` ֆինանսական վնասները փոխհատուցելու համար: Ըստ հայցվորի՝ HSBC-ն աջակցել է Մերդոֆի ֆինանսական համակարգում ստեղծված հիմնադրամներին, ինչպես նաև օգնել է մարկետինգային հարցերում: Մինչ այդ Պիկարդը մի քանի հարյուր հայց էր ներկայացրել մի քանի այլ ֆինանսական հաստատությունների դեմ` J.P.Morgan Chase, UniCredit, UBS, Bank Medici և այլն, որոնցից փաստաբանը պահանջում է մի քանի տասնյակ մլրդ դոլարի հասնող փոխհատուցում:
