Լեռնային Ղարաբաղի նախկին արտգործնախարար Արման Մելիքյանը Աստանայում կայացած ԵԱՀԿ գագաթնաժողովից որևէ սպասելիք չուներ: «Առաջին լրատվական»-ի հետ զրույցում նա նշեց, որ չէր կարծում, թե կողմերը կարող էին Լեռնային Ղարաբաղի համար ճակատագրական նշանակություն ունեցող քայլեր անել այդ գագաթնաժողովում: Սրանից զատ, նա կարծիք հայտնեց, որ ստատուս-քվոյի պահպանումը և ուժի չկիրառման սկզբունքը կնպաստեն առաջիկայում ստատուս-քվոյի երկարաձգմանը: Արման Մելիքյանն ասաց, որ պետք է դադարեցվեն տարածքների վերաբերյալ բոլոր խոսակցությունները, իսկ հայկական կողմը պետք է ամրապնդի բանակցային դիրքերը: Հայկական կողմը, ըստ Արման Մելիքյանի, Ադրբեջանի հետ պետք է բանակցի Շահումյանի և Գետաշենի համար և դրանք դարձնի օրակարգի հարց: «Wikilieaks» կայքի հրապարակած բացահայտումների վերաբերյալ Արման Մելիքյանը կարծիք հայտնեց, որ այնտեղ ճշմարտությունը միախառնված է ապատեղեկատվության հետ:
