Հայաստանի և արտերկրի հայկական հեռուստա և ռադիոընկերությունների հաղորդումները կարխիվացվեն և կտեղադրվեն Ազգային համագործակցության հիմնադրամի (ԱՀՀ) կողմից ստեղծվելիք կայքում: ԱԱՀ գործադիր տնօրեն
Արշակ Սադոյանն «Առաջին լրատվականի» հետ զրույցում նշեց, որ վաղուց ժամանակն է, որ հայ ժողովուրդը կարողանա համացանցի միջոցով օգտվել հեռուստատեսությունից, առավել ևս՝ որ դա հնարավորություն է տալիս ցանկացած հաղորդում դիտել այն ժամանակ, երբ հարմար է:
Այս նպատակն իրագործելու համար ԱԱՀ-ն համագործակցելու է հեռուստա և ռադիոկայանների հետ ինչպես Հայաստանում, այնպես էլ սփյուռքում: Ա.Սադոյանը հայտնեց, որ national.am պորտալի շրջանակներում լինելու են տարբեր կայքեր:
ԱԱՀ-ն սկսել է գործել այս տարվա մարտի 15-ից: Այն ստեղծվել է ՀՀ կառավարության և Ազգային համագործակցություն ՀԿ կողմից:
«Պետական որոշ աջակցություն կար, բայց իշխանությունների հնարավորությունը մեծ չի, տրամադրած միջոցներն արդեն սպառվում են: Ծրագրի ֆինանսավորման առումով պետությունը որոշ մասնակցություն կունենա, բայց հիմնականը պետք է լինի կորպորատիվ պատասխանատվության շրջանակներում»,- ասաց Ա.Սադոյանը: