Google ընկերությունը նախատեսում է 75 մլն դոլար ներդնել մոտ 3 հազար տների տանիքների վրա արևային մարտկոցներ տեղադրելու համար: Այս մասին գրում է The Los Angeles Times-ը: Երեքշաբթի օրն ընկերությունը հայտարարել է, որ պետք է ֆինանսավորի արևային մարտկոցների տեղադրումը, որոնցից յուրաքանչյուրն արժե 30 հազար դոլար:
Ընկերությունում նշում են, որ այդ տների բնակիչները էլեկտրամատակարարման համար ավելի շատ գումար են վճարում, քան կվճարեն արևային էներգիայի համար: Google-ը հանդիսանալու է այդ մարտկոցների սեփականատերը, և մարտկոցներից ստացված էլեկտրաէներգիայի վաճառքից ստացված գումարը կստանա համացանցային հսկան: Ընդհանուր առմամբ, Google-ը 850 միլիոն դոլար է ներդնում այս ոլորտի զարգացման համար: Ավելի վաղ արևային մարտկոցներ Google-ը տեղադրել էր իր գլխամասային գրասենյակի տանիքին: