ԱՄՆ-ում սմարթֆոններ ունեցողների 43%-ը օգտագործում է Android օպերացիոն համակարգի վրա հիմնված սարքեր, սակայն գնորդների շարքում, որոնք ձեռք են բերել սմարթֆոններ վերջին երեք ամիսների ընթացքում, արդեն 56%-ն իր նախապատվությունը տվել է Google-ի Android-ին, և միայն 28%-ը` Apple-I iOS-ին: Այսպիսի տվյալներ է ներկայացնում է Nielsen ընկերությունը սպառողական շուկայում կատարած հետազոտությունների հիման վրա: Վերջերս սմարթֆոններ գնածների նախապատվությունները լուրջ ցուցանիշ են և խոսում են այն ուղղության մասին, որով շարժվում է շուկան:
Ինչպես հայտնում է Reuters գործակալությունը iOS-ը մնում է երկրորդ դիրքում: Ընդհանուր օգտագործողների և վերջերս գնողների մեջ այդ թիվը կազմում է 28%: Սակայն շուտով այդ թվերը կարող են փոխվել. ամեն անգամ, երբ Apple-ը սմարթֆոնի նոր մոդելներ է թողարկում կամ նոր օպերատոր է ավելացնում, iPhone-ի վաճառքի քանակը մեծանում է:
Nielsen-ը նաև նշում է, որ սմարթֆոնները ավելի ու ավելի շատ ժողովրդականություն են վայելում: Ներկա պահին նոր գնված հեռախոսների 58%-ը բաժին է ընկնում սմարթֆոններին:
