Այսօր ԳԱԱ նախագահությունում տեղի ունեցավ ԳԱԱ նախագահ Ռադիկ Մարտիրոսյանի մամուլի ասուլիսը` նվիրված ՀՀ ԳԱԱ ակադեմիկոսների և թղթակից անդամների ընտրություններին:
ՀՀ ԳԱԱ-ի ընտրությունները տարբերվում են նախագահական ընտրություններից միայն նրանով, որ թափանցիկ արկղերին փոխարինում է սովորական պարկը, որի մեջ ձայների մեծամասնություն հավաքած թեքնածուները դառնում են ակադեմիկոսներ կամ թղթակից անդամներ:
ԳԱԱ-ի նախագահ Ռադիկ Մարտիրոսյանը ուրախ է, որ համաշխարհային ճգնաժամը շրջանցել է ԳԱԱ-ն: «Ճիշտ է 2009-2010թթ պետական բյուջեն մեր ուղղությամբ ավելացումներ չարեց, բայց մենք դժգոհ չենք, որովհետև կրճատումներ չեղան: ԳԱԱ թղթակից անդամները ամսական ստանում են 100 հազար դրամ, իսկ իսկական անդամները` 150 հազար»,-նշում է պարոն Մարտիրոսյանը:
ԳԱԱ-ում ընտրությունները տեղի կունենան դեկտեմբերի 27-28-ին, փակ ժողովի ընթացքում ակադեմիկոսների, գիտնականների ներկայությամբ կհայտարարվեն ակադեմիկոսների և թղթակից անդամների անունները: Պարոն Մարտիրոսյանը տեղեկացնում է նաև որ ակադեմիայում տեղերի թիվը սահմանափակ է: Անդամների թիվը չպետք է գերազանցի 137-ը, ակադեմիայի իսկական անդամները պետք է լինեն առաջնակարգ և միջազգային ճանաչում ունենան, իսկ թեկնածու անդամները պետք է գիտությունը հարստացրած լինեն գիտական աշխատանքներով և այդ աշխատանքները պետք է կիրառված լինեն գիտության որևէ բնագավառում: