Իրանի Իսլամական Հանրապետության պաշտպանության նախարար Ահմադ Վահիդին «Մեհր» գործակալությանը տված հարցազրույցում հայտարարել է, որ Թեհրանը պատրաստ է զենք արտահանել աշխարհի շատ երկրներ: Վահիդի պնդմամբ` Իրանը «հասել է իր հզորության գագաթնակետին» եւ պատրաստ է զենք վաճառել աշխարհի 50 երկրների: Նա ավելացրել է, որ Իրանը գրեթե ամբողջությամբ ապահովում է զենքի իր կարիքները: Ավելի վաղ Իրանը հայտարարել էր, որ պատրաստ է զենքով ապահովել Լիբանանին:
Վերջերս իրանցի զինվորականներն ավելի հաճախ են ներկայացնում երկրի ներսում արտադրված զենքի նոր տեսակներ: Դրանցից ամենավերջինը «Բավար-2» հիդրոինքնաթիռն է, որը կառուցվել է stealth տեխնոլոգիաների հիման վրա: