Թուրքիան պատրաստակամ է աշխատել տարաձայնությունների հարթման խնդրում` ԵԱՀԿ տարածքում համերաշխության և անվտանգության որակապես նոր իրավիճակի ստեղծման հարցում,- այսօր Աստանայում հայտարարել է Թուրքիայի նախագահ Աբդուլլա Գյուլը` ելույթ ունենալով ԵԱՀԿ գագաթնաժողովում: «Եթե մենք վճռականություն ցուցաբերենք և ընդունենք քաղաքական հռչակագիր գագաթնաժողովի ավարտին, որը կսահմանի մեր հետագա աշխատանքը, այդ դեպքում հնարավորություն կստեղծենք լուծել մեր առջև դրած խնդիրը»,- նշել է Գյուլը: Նրա կարծիքով` այն փաստը, որ մինչ այժմ չեն հաղթահարվել ԵԱՀԿ տարածքում ձգձգվող հակամարտությունները, Կազմակերպության հեղինակությունն է սասանում:
«Անհրաժեշտ է գագաթնաժողովը շրջադարձային դարձնել ձգձգվող հակամարտությունների հարցում: Մենք պետք է վճռականորեն գործի դնենք բոլոր միջոցները հստակ պարտավորություններն իրականացնելիս»:
Թուրքիայի նախագահը ԵԱՀԿ ամբիոնից նշել է, որ իր կողմից պատրաստ է նպաստել Վրաստանի, Մոլդովայի և Ադրբեջանի հակամարտությունների խաղաղ կարգավորմանը` այդ երկրների տարածքային ամբողջականության և ինքնիշխանության սկզբունքների հիման վրա, հայտնում են ադրբեջանական գործակալությունները: