Ինչպես փոխանցում է RBC-ն, WikiLeaks-ի ղեկավարության այն հայտարարությունը, համաձայն որի՝ շուտով հրապարակվելու են հայտնի բանկի վերաբերյալ գաղտնի փաստաթղթեր, լուրջ անհանգստություն է առաջացրել Նյու Յորքի ֆոնդային բորսայում: Ուոլ Սթրիթում երեկ կայացած գործարքների արդյունքում Bank of America-ի բաժնետոմսերի գինը նվազել է 3,2%-ով` կազմելով 10,95 դոլար: Շատերի կարծիքով, «խայտառակվող» բանկը լինելու է հենց Bank of America-ն, քանի որ անցած տարի WikiLeaks-ի հիմնադիրը հայտարարել էր, որ իրենց տրամադրության տակ կա այդ բանկի մենեջերներից մեկի էլեկտրոնային կրիչը, որի վրա կա 5 Գբ ինֆորմացիա:
CNN-ին, սակայն, բանկից հայտնել են, որ խոսակցությունները բանկի շուրջ հերյուրանքներ են, իսկ WikiLeaks-ի հիմնադիր Ջուլիան Ասանջի հայտարարությունները չեն կարող համապատասխանել իրականությանը:
