Reuters լրատվական գործակալության փոխանցմամբ, երեկ ռուսական Գազպրոմ ընկերությունը ավելացրել է «Հարավային հոսք» ծրագրի հաշվարկային գինը` հասցնելով այն 15,5 մլրդ եվրոյի: 2009 թ. գարնանը Գազպրոմի ղեկավար Ալեքսեյ Միլլերը հայտարարել էր, որ այդ ծրագիրը ընկերությանը կարժենա 8,6 մլրդ եվրո, հետագայում ՌԴ վարչապետը խոսել էր 10 մլրդ-ի մասին: Ընկերության հաղորդագրության մեջ ասվում է, որ «ծրագրի ծովային մասը կարժենա մոտ 10 մլրդ եվրո, իսկ ցամաքայինը` 5,5 մլրդ»: Այս պահին «Հարավային հոսքի» 50%-ը պատկանում է իտալական Eni-ին, իսկ մյուս կեսը` Գազպրոմին: Նախնական տվյալներով, Եվրոպան այս գազամուղով տարեկան կստանա 63 մլրդ խորանարդ մետր գազ, իսկ գազամուղը կսկսի գործել 2015 թվից: