Հակամարտությունների լուծման ճանապարհին ռազմական ուժի կիրառումը բացարձակապես անընդունելի է,- ԵԱՀԿ գագաթնաժողովում ունեցած ելույթում նշել է ՌԴ նախագահ Դմիտրի Մեդվեդևը: Այս մասին Աստանայից հաղորդում են հայաստանյան գործակալությունները:
Ռուսաստանի նախագահի խոսքերով` ԵԱՀԿ-ն պետք է մշակի հակամարտությունների կարգավորման միասնական սկզբունքներ, որոնք պետք է կիրառվեն մշտապես և առանց ընտրության: Դմիտրի Մեդվեդևը մատնանշել է, որ այդպիսի ունիվերսալ սկզբունքներ պետք է դառնան հակամարտության լուծման ժամանակ ուժի կիրառումից հրաժարումը, հակամարտությունը կողմերի միջև համաձայնությամբ կարգավորելը, առկա բանակցային և միջնորդական ձևաչափերի նկատմամբ հարգանքը և հակամարտության գոտում գտնվող քաղաքացիական բնակչության իրավունքների հարգումը: