Ադրբեջանական գործակալությունները տեղեկացնում են, որ Իլհամ Ալիևը ժամանել է Աստանա` մասնակցելու ԵԱՀԿ գագաթնաժողովին:
1news.az-ի փոխանցմամբ` Ադրբեջանի և Հայաստանի նախագահների հանդիպմանը ակնկալվում է Ղազախստանի նախագահ Նուրսուլթան Նազարբաևի մասնակցությունը,- այս մասին ANS TV-ին հայտնել է ԵԱՀԿ գլխավոր քարտուղար Պերրեն դե Բրիշամբոն գագաթնաժողովի նախաշեմին կայացած մամուլի ասուլիսում. «Այդ հանդիպմանը և այդ հարցին Ղազախստանի նախագահն ամենայն ուշադրությամբ հետևում է: Կարող եմ ասել, որ նախագահ Իլհամ Ալիևի և նախագահ Սերժ Սարգսյանի միջև հանդիպումները շատ օգտակար են: Բացի այդ, այս գործընթացում կարևոր է նաև այլ երկրների մասնակցությունը: Կարծում եմ, որ օգտակար կլիներ այս գործընթացում Աստանայի գագաթնաժողովի շահագրգիռ կողմերի ներգրավումը»:
