Ինչպես հայտնում է ադրբեջանական Trend գործակալությունը, Ադրբեջանում 3 մլրդ դոլար արժողությամբ նոր գազատար է կառուցվելու: British Petrolium ընկերությունն այսօր հայտարարել է, թե նոր գազատարը պահանջվելու է «Շահ Դենիզ 2» նախագծի շրջանակներում լրացուցիչ 16 միլիարդ խմ գազ մղելու համար:
BР Azerbaijan-ի նախագահ Ռաշիդ Ջավանշիրի խոսքով` նոր գազատարի երկարությունը կազմելու է 400 կմ, այն կկառուցվի ադրբեջանա-վրացական սահմանին: Վրաստանի տարածքում գազատարը միանալու է գործող Հարավկովկասյան խողովակաշարին, որը այժմ օգտագործվում է «Շահ Դենիզ» հանքավայրից գազի արտահանման նպատակով:
«Շահ Դենիզ 2»-ի ծրագրով լրացուցիչ 16 միլիարդ խորանարդ մետր գազի արտահանման համար տարեկան պետք է տեղակայվեն ծովային երկու հարթակներ և 30 ստորջրյա հորատանցքեր: