Ինչպես տեղեկացնում է РИА Новости-ն, Ռուսաստանի նախագահ Դմիտրի Մեդվեդևի աշխատակազմի ղեկավար Սերգեյ Նարիշկինն այսօր Երևանում բանակցություններ է վարել Սերժ Սարգսյանի աշխատակազմի ղեկավար Կարեն Կարապետյանի հետ: Նարիշկինը Հայաստանում է հայկական կողմի հրավերով:
Սերգեյ Նարիշկինը արդեն այցելել է Հայոց ցեղասպանության հուշահամալիր, հարգանքի տուրք է մատուցել Հայոց ցեղասպանության զոհերին՝ ծաղկեպսակ դնելով Ծիծեռնակաբերդի հուշահամալիրում: Այնուհետև Ս.Նարիշկինը և նրա գլխավորած պատվիրակությունը այցելել են Հայոց ցեղասպանության թանգարան-ինստիտուտ: