Հավաքական անվտանգության կազմակերպության քարտուղար Սերգեյ Բորդյուժան այսօր ժամանում է Հայաստան` Հավաքական անվտանգության պայմանագրի անդամ երկրների խորհրդի նիստի նախապատրաստական աշխատանքների շրջանակում: Այս մասին հաղորդում է Риа-Новости-ն: Ըստ ՀԱՊԿ մամուլի ծառայության, Բորդյուժան Հայաստանում կմնա մինչև նոյեմբերի 30: Այցի ժամանակ նախատեսված են նրա հանդիպումները Սերժ Սարգսյանի, արտգործնախարար Էդվարդ Նալբանդյանի, պաշտպանության նախարար Սեյրան Օհանյանի, Անվտանգության խորհրդի քարտուղար Արթուր Բաղդասարյանի հետ: «Սա ծրագրված այցելություն է, որն անցնում է առաջիկա դեկտեմբերին նախատեսված Հավաքական անվտանգության պայմանագրի անդամ երկրների խորհրդի նիստի նախապատրաստական աշխատանքների շրջանակում, ինչպես նաև քննարկվելու են նախկինում կայացված որոշումների իրականացումը»,-ասված է տարածված հայտարարության մեջ: