Երեկ` նոյեմբերի 25-ին, ՀՀ մարդու իրավունքների պաշտպան Արմեն Հարությունյանը հանդիպեց միջազգային կազմակերպությունների և Երևանում գործող դիվանագիտական ներկայացուցչությունների ղեկավարների հետ:
Հանդիպման ընթացքում Պաշտպանը ներկայացրեց «Հեռուստատեսության և ռադիոյի մասին» ՀՀ օրենքի փոփոխությունների վերաբերյալ աշխատանքային խմբի առաջարկները և «Հավաքների մասին» օրենքի նախագիծը: Անդրադարձ եղավ նաև մարդու իրավունքներին վերաբերող այլ հրատապ հարցերին: