«ԱրմենՏել» ընկերությունը (ապրանքանիշը Beeline) հայտարարում է Հայաստանում 3G ցանցի էական ընդլայնման մասին: 2011թ-ի օգոստոսի 8-ի դրությամբ երրորդ սերնդի ցանցը գործարկվել է Ագարակ, Աշոցք, Բերդ, Եղեգնաձոր, Քաջարան, Մարալիկ, Մեղրի, Նոյեմբերյան, Սիսիան, Ստեփանավան, Թալին, Տաշիր, Ճամբարակ քաղաքներում, ինչպես նաև ՀՀ մի շարք գյուղական համայնքներում: Ծածկույթի գոտու ընդլայնմանը զուգահեռ Հայաստանի խոշոր քաղաքներում 3G կապի տասնյակ նոր կայաններ շահագործման են հանձնվել ի լրումն գործողների:
««ԱրմենՏել» ընկերությունը հետևողականորեն ավելացնում է Հայաստանում 3G ցանցի հզորությունը և ընդլայնում ծածկույթը, տրամադրելով որակյալ բջջային կապ, գերաարագ ինտերնետ և ժամանակակից այլ ծառայություններ Հայաստանի բոլոր մարզերի բնակիչներին: Ցանցի ընդլայնումը և արդիականացումը թույլ են տալիս մեզ հանդես գալ նոր առաջարկներով, որոնք դարձնում են մեր ծառայությունները հաճախորդների համար ավելի գրավիչ և հարմարավետ», – նշեց «ԱրմենՏել» ՓԲԸ Գլխավոր տնօրեն Իգոր Կլիմկոն:
Beeline 3G ցանցը ծածկում է Հայաստանի շուրջ 150 բնակավայր, որտեղ բնակվում է շուրջ 2.9 մլն մարդ: Նշենք, որ «ԱրմենՏել» ընկերությունն առաջին օպերատորն է, որ Հայաստանում գործարկեց երրորդ սերնդի բջջային ցանցը. 2008 թ-ի հունիս ամսին՝ փորձնական, իսկ 2008 թ-ի սեպտեմբերին՝ կոմերցիոն շահագործման: