Հետախուզությունների դաշնային բյուրոյի աշխատակիցները Լաս Վեգասում ձերբակալել են ամերիկացի հաքեր Սենֆորդ Ուոլասին, որը մամուլում հայտնի է որպես «սպամի թագավոր»: Այս մասին հաղորդում է The Telegraph-ը:
2008 թ. նոյեմբերից մինչև 2009 թ. մարտ ամիսը Ուոլասը կոտրել է 500 հազար անձնական էջ և ուղարկել ավելի քան 27 միլիոն սպամ նամակ: Նա հաղորդագրություններ է ուղարկել կոտրված անձնական էջերից և դրանք տեղադրել տուժած օգտատերերի ընկերների էջերին: Վերջիններս տեսնելով իբր իրենց ընկերոջից ստացված նամակը, հետևում էին հրահանգներին և հայտնվում այն կայքերում, որոնց ծառայությունները գովազդում էր Ուոլասը:
2009 թ. ԱՄՆ դաշնային դատարանը որոշում էր կայացրել, որ Ուոլասը 711 միլիոն դոլարի վնաս է հասցրել: Հիմա Ուոլասին սպասում է մինչև 10 տարի ազատազրկում և մինչև մի քանի միլիոն դոլարի տուգանք: