Google-ն իր նորաստեղծ սոցիալական ցանցում կարողացել է ներգրավել մոտ 25 միլիոն օգտատերերի, ինչն այդ ցանցը դարձրել է աշխարհում ամենաարագ աճողը: Այս թիվը շարունակում է աճել, և պոտենցիալ օգտատերերի թիվն անհամեմատ մեծ է լինելու առաջիկա ամիսներին: 2 ամիս առաջ գրանցված սոցցանցում 25 միլիոնի ցուցանիշը գրանցվել է հուլիսի 24-ին: Ինչպես գրում է ComScore-ը՝ ամեն օր Google+ում գրանցվում է մոտ 1 միլիոն նոր օգտատեր:
Նշվում է, որ Facebook-ին անհրաժեշտ էր մոտ 3 տարի՝ այս ցուցանիշն արձանագրելու համար, իսկ Twitter-ին՝ մոտ 30 ամիս: Միաժամանակ փորձագետներն ասում են, որ օգտատերերի այսքան արագ աճը չի ապահովում սոցցանցի հաջող զարգացումը, ինչի օրինակն արդեն գոյություն ունի: Օրինակ՝ MySpace սոցիալական ցանցը շատ արագ տասնյակ միլիոնավոր օգտատերեր հավաքեց, սակայն այս պահին կորցրել է նրանց մեծ մասին: