Վրաստանի նախագահ Միխեիլ Սահակաշվիլին Գիորգոբա տոնի՝ Սբ.Գեորգիի օրվա կապակցությամբ ներում է շնորհել 220 դատապարտյալների, այդ թվում՝ 12 կանանց և մեկ անչափահասի: Ամբողջական համաներումը վերաբերել Է 182 կալանավորների, 32-ի պատժաժամկետը կրճատվել Է կիսով չափ, երեքի պատժաժամկետը կրճատվել Է, ևս երեքի համար պայմանական ազատազրկումը փոխարինվել Է աշխատանքներով:
Այդ մասին, ինչպես հաղորդում են վրաստանյան գործակալությունները, այսօր Թբիլիսիում կայացած ճեպազրույցի ժամանակ հայտնել Է պատիժների կատարման և իրավաբանական օգնության նախարար Խաթունա Կալմախելիձեն: Համաներման վերաբերյալ առաջարկությունները ներկայացվել Էին համաներման հանձնաժողովի, Վրաստանի պատրիարքարանի և դատախազության կողմից: Առաջարկություններ էին ներկայացվել 236 մարդու համար: