«Հաջորդ տարին որոշիչ կլինի ԵՄ-ի և եվրոյի համար»,- հայտարարել է Եվրոպական կենտրոնական բանկի նախագահ Ժան Կլոդ Տրիշեն: «2011թ. որոշիչ կլինի ԵՄ-ի և եվրագոտու համար, երբ կիրականացվի կառավարման բարեփոխում, ինչպես նաև ավելի լուրջ քննարկում ֆինանսական քաղաքականության վերաբերյալ»,- նշել է նա: Նա չի բացառել, որ 2011թ. կսկվի ԵՄ հիմնարար պայմանագրերի վերանայում: «Անհրաժեշտ է տեքստն այնպես փոփոխել, որ եվրագոտին և Եվրամիությունն ընդհանրապես կարողանան դիմակայել ժամանակի մարտահրավերներին` ամրության ավելի մեծ պաշարով և ինքնազարգացման հնարավորությամբ»,- ասել է ԵԿԲ-ի ղեկավարը:
Միաժամանակ նա նշել է, որ ներկայիս ֆինանսական ճգնաժամը եվրագոտում բնորոշ չեն միայն Եվրամիությանը, այլ համաշխարհային ճգնաժամի դրսևորումներ են: «Միջազգային տնտեսության վիճակը շարունակում է փխրուն մնալ»,- նշել է Տրիշեն: Միաժամանակ ԵԿԲ-ի ղեկավարը հայտարարել է, որ ԵՄ-ը հանդես է գալիս ուժեղ դոլարի օգտին: «Կայուն դոլարը համաշխարհային այլ ամուր արտարժույթների կողքին բխում է ԱՄՆ-ի, Եվրամիության և ամբողջ համաշխարհային հանրության շահերից»,-եզրափակել է Ժան Կլոդ Տրիշեն:
