Ըստ ամերիկյան Forbes ամսագրի՝ 2014թ. միլիարդատերերի համաշխարհային ցուցակից միայն 7 մարդ է (0.4%) հրապարակավ հայտարարել իր ոչ ավանդական սեռական կողմնորոշման մասին: Նրանցից նույնիսկ ոմանք իրենց կարողությունը օգտագործում են՝ պաշտպանելու սեքսուալ փոքրամասնությունների շահերը՝ գրում է ամսագրի ռուսական հրատարակությունը:
Այդ «յոթ համարձակները» ունեն գրեթե 16 մլրդ դոլար կարողություն: Նրանց թվում է, օրինակ, մեդիամագնատ Դևիդ Գեֆենը (6.1 մլրդ դոլար), PayPal-ի հիմնադիրներից՝ Պիտեր Տիլը (2.2 մլրդ դոլար), ներդրող Ջենիֆեր Պրիցկերը (1.8 մլրդ դոլար):
Վերջինս միակ միլիարդատեր-տրանսգենդերն է աշխարհում, ամերիկյան բանակի պաշտոնաթող փոխգնդապետ, որը հայտարարել է, որ այժմ իրեն կին է զգում ու որպես այդպիսին էլ ներկայանալու է բոլոր գործնական ու անձնական հարաբերություններում:
7 հայտնի ԼԳԲՏ-միլիարդատերերից 5-ը ամերիկացի են: Չինաստանում ու Ռուսաստանում, որոնք զբաղեցնում են երրորդ տեղը աշխարհի ամենահարուստ մարդկանց թվով (152 և 111, համապատասխանաբար), սեռական փոքրամասնությունների ներկայացուցիչներ չեն հայտնաբերվել:
Forbes-ի 2014թ. միլիարդատերերի ցուցակում կա 1.645 մարդ, որոնց թվում 172-ը կանայք են: