Այսօր ԿԲ-ն հրապարակել է նոյեմբեր ամսվա վերաֆինանսավորման տոկոսադրույքի արձանագրությունը: Նշելով, որ տասներկուամսյա գնաճը հոկտեմբերին (9.1%) զգալիորեն գերազանցել է նպատակային միջակայքի վերին սահմանը, իսկ ԱՄՆ ընդլայնողական քաղաքականությունը շարունակում մեծացնել արտաքին գնաճային շոկերի հավանականությունը` ԿԲ-ն այնուամենայնիվ շարունակում է մնալ այն կարծիքին, որ եկող տարվա երկրորդ կեսին գնաճը Հայաստանում կնվազի և կկազմի նպատակային միջակայքի վերին սահմանին մոտ թիվ: «Խորհուրդը գնահատում է, որ տնտեսության զարգացումների նկարագրված հեռանկարում կշարունակվի և կավելանա արտաքին հատվածի գերակա ազդեցությունը գնաճային միջավայրի ձևավորման առումով: Խորհուրդը շարունակում է մնալ այն կարծիքին, որ առաջարկի շոկերի մարմանը զուգընթաց, տոկոսադրույքների ներկա մակարդակի պայմաններում, 2011 թ. երկրորդ կեսից սկսած, 12-ամսյա գնաճը կձևավորվի նպատակային միջակայքի սահմաններում»,- նշված է այդ հայտարարության մեջ: