Քաղաքագետ Երվանդ Բոզոյանի գնահատմամբ, Ադրբեջանը դժգոհ է բանակցային գործընթացի երկարաձգումից և ստասուս քվոյի երկարատև պահպանումից. «Ադրբեջանը հայտարարում է, որ այս իմիտացիային երկար չի կարող մասնակցել և որ համբերության բաժակը լցվի, կսկսի պատերազմը և դրա համար ունի լեգիտիմ հիմք»:
Բոզոյանի կարծիքով, պատերազմ սկսելու համար Ադրբեջանը նախապատրաստական աշխատանքներ է տանում և հենց այդ նպատակի համար է միջազգային ատյաններում ԼՂ խնդրի հետ կապված իր համար շահեկան մի քանի փաստաթղթեր անցկացրել: «Ադրբեջանը մերժելով Մադրիդյան սկզբունքները, ըստ էության, առաջ է քաշում փուլային մի տարբերակ, ինչի նկատմամբ արդեն իսկ Միացյալ Նահանգները հետաքրքրություն է դրսևորում: Ասել, թե ոչ մի բան չի լինելու և թախտի վրա նստել-սպասելը կոնստրուկտիվ դիրքորոշում չէ»:
Բոզոյանը նկատեց, որ վերջին երեք տարիների ընթացքում Հայաստանը բոլոր իմաստներով թուլացել է, Ադրբեջանը` ուժեղացել. «Հայաստանը արտաքին և ներքին քաղաքականության մեջ պրավալներ է արձանագրում, իսկ Ադրբեջանը ուժեղանալով պահանջում է դիվիդենտներ և եթե դիվանագիտական ճանապարհով չստանա, ապա պատերազմ կսկսի»:
