Ռուսաստանը պատրաստ է այսուհետ նույնպես նպաստել Ադրբեջանի եւ Հայաստանի հարաբերությունների եւ ղարաբաղյան կարգավորման զարգացմանը. այս մասին հայտարարել է Ռուսաստանի նախագահ Դմիտրի Մեդվեդեւը Բաքվում՝ Ադրբեջանի նախագահ Իլհամ Ալիեւի հետ հանդիպման ժամանակ: «Ռուսաստանը պատրաստ է ջանքեր գործադրել տարածաշրջանում անվտանգության ապահովման համար, օգնել Ադրբեջանի եւ Հայաստանի հարաբերությունների զարգացմանը»,- ընդգծել է Մեդվեդեւը եւ հավելել. «Վերջին շրջանում որոշակի քայլեր են արվել. համաձայն եմ, որ Ղարաբաղյան հակամարտության կարգավորումը ընկած է միջազգային իրավունքի հարթության վրա: Համապատասխան աշխատանքը տարվում է բոլոր ուղիներով»- հավելել է նա:
Խոսելով ռուս-ադրբեջանական երկկողմ համագործակցության մասին՝ ՄԵդվեդեւը նկատել է, որ «լավ զարգանում են շփումները կառավարությունների, հասարակական կառույցների, բիզնեսի ուղղությամբ»:
Աղբյուրի փոխանցմամբ, իր հերթին, Իլհամ Ալիևը շնորհակալություն է հայտնել Դ. Մեդվեդևին` ղարաբաղյան կարգավորման բանակցություններին ակտիվ մասնակցություն ցուցաբերելու համար:
