«25 տարի մենք որպես քաղաքացիներ, քաղաքական ուժ, պայքարել ենք արդարության համար, բայց այս փոփոխություններով պայմանավորված նոր միայն արդյունքներ ենք տեսնում։ Հիմա օրենքի գերակայությունը անհրաժեշտություն է»,-«Առաջին լրատվական»-ի հետ զրույցում ասաց Ժառանգության նախկին նախագահ Րաֆֆի Հովհաննիսյանը։
Անդրադառնալով ներքաղաքական զարգացումներին և արտահերթ խորհրդարանական ընտրություններին, Հովհաննիսյանը նշեց, որ «Ժառանգությունը» պատկերացնում է, որ պետք է լինի համաժողովրդական ցուցակ։
«Ես կողմնակից եմ, որ լինի ընդհանուր ցուցակ, որ անշրջելիորեն արտահայտվի հեղափոխության արդյուքննոերը։ Առաջարկը ուժի մեջ է։ Մենք առաջարկ ենք արել և հուսով ենք, որ թե վարչապետը, թե իր կուսակցությունը և այլ ուժեր, քաղաքացիական շարժումներ, միասին հանդես կգան։ Ես չեմ ուզում գնանք սուպերկուսակցության ճանապարհով»,-ասաց Հովհաննիսյանը՝ հավելելով, որ չի ցանկանում, որ ժողովրդի ծոցից դուրս եկած մի ուժը մրցակցի մեկ այլ ուժի հետ։
Առավել մանրամասն՝ տեսանյութում
