ԱՄՆ ազգային անվտանգության գործակալության նախկին գործակալ Էդվարդ Սնոուդենը հայտարարել է, որ Ռուսաստանի իշխանությունը, որ ապաստան է տվել իրեն, կոռումպացված է: Այդ մասին նա ասել է գերմանական Süddeutsche Zeitung թերթին:
«Ինչպես հայտնի է ռուս ժողովրդին, Ռուսաստանի իշխանությունը շատ հարցերում կոռումպացված է, ես կարծում եմ, որ ռուսաստանիցիները իրենց անուժ են զգում»,- այսպես է նա պատասխանել մարդու իրավունքների ոտնահարման տեսակետից շատ հայտնի մի երկրում, ինչպիսին Ռուսաստանն է, քաղաքական ակտիվության մասին հարցին:
«Ռուսները միամիտ չեն, նրանք գիտեն, որ չի կարելի վստահել պետական հեռուստատեսությանը: Ռուսները խելացի են և սրտաբաց: Խնդիրը կառավարության մեջ է ոչ թե մարդկանց»,- ավելացրել է Սնոուդենը: