«Մենք աջակցում էինք հայ ժողովրդին և ցանկություն ունեինք, որ Նիկոլ Փաշինյանը դառնա վարչապետ»,- «Առաջին լրատվական»-ի հետ զրույցում ասաց ՀՀ ՊՆ գլխավոր շտաբի նախկին պետ (1992-1995 թթ.), 1993 թ. պաշտպանության նախարարի պաշտոնակատար, գեներալ-լեյտենանտ Նորատ Տեր-Գրիգորյանցը, որը այս օրերին գտնվում է Երևանում։
Գեներալը նշում է. «Ես իմ ամբողջ հոգին եմ դրել ՀՀ ԶՈւ-ի ստեղծման համար։ Ես Լևոն Տեր-Պետրոսյանի ու Վազգեն Սարգսյանի հրավերով եմ եկել ժամանակին ու արել ամեն ինչ, որպեսզի թույլ չտանք հայ ժողովրդի հանդեպ հերթական Ցեղասպանությունը։ Այսօր ինքս եկել եմ, որ հանդիպեմ արտգործնախարարի, սփյուռքի նախարարի և եթե հնարավոր լինի՝ վարչապետի հետ, որպեսզի իմ կարծիքը հայտնեմ, ու եթե իմ օգնության կարիքը լինի՝ օգնեմ։ Եթե ժամանակին ինձ հրավիրել են, այսօր ես իմ կամքով եմ եկել, ես շատ եմ անհանգստանում հայ ժողովրդի, մեր Արցախի անվտանգության համար»,- ընդգծեց նա։
Նորատ Տեր-Գրիգորյանցը շնորհակալություն է հայտնում հեղափոխության բոլոր կազմակերպիչներին, ուժային կառույցներին, և բոլոր այն մարդկանց, ովքեր այս ընթացքում ցուցաբերեցին պետականամետ գործունեություն ու հարգեցին հայ ժողովրդի կամքը։
Հարցազրույցն ամբողջությամբ՝ տեսանյութում։
