Չորս շեֆ խոհարարներից բաղկացած խումբը փորձում է համաշխարհային ռեկորդ սահմանել՝ բացելով ամենաբարձրադիր ռեստորանը։ Այն կտեղակայվի 3536 մետր բարձրության վրա, Հիմալայներում՝ Էվերեստի բազային ճամբարում։
Խոհարարները Նեպալի Լուկլա քաղաքից 8-օրյա արշավի կմեկնեն, իսկ այժմ 10 անվախ կամավորներ են փնտրում (ապագա ռեստորանի այցելուներին), որոնք պատրաստ են իրենց միանալ։
Արտասովոր ճամփորդությունը կավարտվի Էվերեստի բազային ճամբարում գինիներով և 7 տեսակի ուտեստից բաղկացած ընթրիքով։ Կազմակերպիչների խոսքով՝ լեռ մագլցելու ամենամեծ խնդիրը բարձրությունն է, որը կազդի նաև ուտելիքի ընկալման վրա։ Քանի որ համային և հոտային զգացողությունները կճնշվեն, խոհարարները մտադիր են հատուկ ճաշացանկ մշակել՝ համեմունքների բարձր պարունակությամբ։
Կամավորները կարող են երթուղին հաղթահարել ոտքով կամ ուղղաթիռից օգտվել։ Տոմսերն արժեն 5600 դոլար։
