Լոս Անջելեսում երեկ ձերբակալվել են հայկական հանցավոր խմբավորման անդամներ, որոնք կասկածվում են Լոս Անջելեսի շրջանի բանտում տեղի ունեցած խռովության կազմակերպմանն առնչություն ունենալու մեջ: Շերիֆի խոսնակ Սթիվ Ուիթմորը Associated Press գործակալությանը փոխանցել է, որ ձերբակալվել է շուրջ կես տասնյակ մարդ: Նա ասել է, որ հայկական հանցախումբը համագործակցում է մեքսիկական մաֆիայի հետ, որը կառավարվում է կալանավայրից` վերահսկելով նաեւ հանցավոր տարրերի գործունեությունը բանտից դուրս:
Օգոստոսի 22-ին տեղի ունեցած խռովության հետեւանքով բազմաթիվ մարդիկ էին վիրավորվել, պատճառվել էր շուրջ 250 հազար դոլարի նյութական վնաս:
