Thursday, 28 03 2024
Սուրեն Պապիկյանը ծանոթացել է նաև ՀՀ ռազմարդյունաբերության նորագույն նմուշներին
Հանրակրթության նոր չափորոշիչի ներդրմանը զուգահեռ դասարաններում կկրճատվի աշակերտների թիվը. Անդրեասյան
ՔՊ նիստում քննարկվել են եվրոպական կուսակցական միությունների գաղափարախոսությունները
«Դժվարին որոշում եմ կայացրել` չհավակնել Բարձրագույն դատական խորհրդի դատավոր անդամի թափուր տեղին». Վազգեն Ռշտունի
«Ռուսաստանը հաջողության է հասնում այնտեղ, որտեղ դրա կարիքն ունի»․ Պուտին
Հրազդանում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Վլադիմիր Վարդանյանը կմասնակցի Մարդու իրավունքերի եվրոպական դատարանի դատավորների ընտրության հանձնաժողովի նիստին
Ծեծի է ենթարկել իր անչափահաս դստերը և փորձել սեռական հարաբերություն ունենալ նրա հետ
Այն, ինչ կներվի Բաքվին, չի ներվի Երևանին. Կրեմլը բաց է խաղում
ԵՄ ներկայությունը Բաքվին հանգիստ չի տալիս
Ադրբեջանը «կլրջացնի՞» ՀԱՊԿ-ի հետ ընկերությունը
Ազատագրվել ռուսական կախվածությունից. եվրաինտեգրման առաջնահերթությունները
Դիմակներն այլևս հանված են. Մոսկվան հանձնում է իր ամենաարժեքավոր ագենտին
Տղամարդը դանակահարել է նախկին կնոջն ու նրա քրոջը
Հայաստանը «դիվերսիֆիկացնում է» քաղաքականությունը, Ռոսատոմը մոդեռնիզացնում է Մեծամորի ԱԷԿ-ը
Գործակալ հիշեցնող Շահրամանյանը
Բաքվի խոշոր «խաղադրույքը»
Կլիմայի փոփոխության բացասական ազդեցությունը նկատելի է գյուղատնտեսության և տնտեսության մի շարք այլ ճյուղերում. փոխնախարար
Ռուսաստանում տեղի ունեցած ահաբեկչության գործով նոր կասկածյալ է հայտնվել
Արմեն Գևորգյանը ԵԽԽՎ դիտորդական առաքելության կազմում կհետևի Հյուսիսային Մակեդոնիայի նախագահական ընտրություններին
Մի համագործակցության խրոնիկա
Հայաստանը չունի ավելի ուժեղ զենք, քան միջազգային իրավունքը. չկրակելը խելամիտ չէ
Սասունցի Դավթի դարաշրջանը չէ. ԱՄՆ-ից ակնկալիքներին զուգահեռ պետք է ամրապնդել պետությունը
Երևանում ծառի ճյուղը թեքվել և ընկել է էլեկտրական լարերի վրա. փրկարարները մասնատել են ծառի ճյուղը
21:40
Ղազախստանի դեսպանատունը խորհուրդ է տվել լքել Օդեսայի և Խարկովի մարզերը
Վիճաբանություն և ծեծկռտուք՝ անչափահասների մասնակցությամբ․ կա վիրավոր
Քանի՞ մարդ է թունավորվել Հայաստանում
«Հայաստանի և Ռուսաստանի հարաբերություններում ստեղծված իրավիճակը լավատեսություն չի ներշնչում»․ Լավրով
Բաքվի անհիմն մեղադրանքն ու խորամանկ խաղը Բրյուսելից առաջ
«Կրոկուսի ահաբեկչության հեղինակներն Ուկրաինայից զգալի գումարներ և կրիպտոարժույթներ են ստացել»․ ՌԴ ՔԿ

Քննություն Հայաստանի և ռուսաստանահայ օլիգարխիայի համար

«Հայաստան» համահայկական հիմնադրամը Հայաստանի իշխանության նկատմամբ սփյուռքահայության վստահության ցուցիչն է՝ մայիսի 25-ին Երևանում մեկնարկած հիմնադրամի հոգաբարձուների խորհրդի նիստում հայտարարել է վարչապետ Նիկոլ Փաշինյանը:

Դժվար է չհամաձայնել այդ դիտարկմանը, եթե անգամ «Հայաստան» համահայկական հիմնադրամը ուղիղ առնչություն չունի իշխանությանը: Միևնույն է՝ նախ հենց իշխանությունն է ձևավորում հոգաբարձուների խորհրդի ղեկավար կազմը, և հետո՝ իշխանությունն է առաջնային պատասխանատուն թե՛ մթնոլորտի, թե՛ ծրագրերի արդյունավետության համար, որոնք էլ իրենց հերթին բերում են հանրության վերաբերմունքի ձևավորման:

Այդ տեսանկյունից «Հայաստան» համահայկական հիմնադրամի հանգանակությունների դինամիկան լիովին արտացոլել է իշխանության հանդեպ թե՛ Հայաստանի, թե՛ սփյուռքահայության վստահության աստիճանը կամ՝ պարզապես վստահության գրեթե բացակայությունը: Վերջին տարիներին հատկապես հիմնադրամի հանգանակությունների մեծ մասը բաժին էր ընկնում հայաստանյան և ռուսաստանահայ օլիգարխիային՝ այդպիսով արտացոլելով ներհայաստանյան հարթությունում տեղի ունեցող ներքաղաքական գործընթացների դինամիկան:

Եվ ներկայումս Հայաստանում տեղի ունեցած փոփոխությունների առումով իրավիճակը իսկապես ուշագրավ է նաև «Հայաստան» հիմնադրամի մասով: Հիմնադրամի տարեկան հանգանակությունը կատարվում է աշնանը՝ նոյեմբերին, հեռախոսամարաթոնի և հետո հեռուստամարաթոնի միջոցով:

Ինչպիսի վիճակում կամ հանգրվանում կլինի Հայաստանի թավշյա հեղափոխությունը նոյեմբերին՝ դժվար է ասել, սակայն ներկայումս աներկբա է, որ այն վերելքի վրա է, և համահայկական այդ վերելքը անխուսափելիորեն կարտացոլվի նաև «Հայաստան» համահայկական հիմնադրամի վրա կամ առնվազն պետք է արտացոլվի, քանի որ այդ հիմնադրամը ունի հույժ կարևոր նշանակություն բոլոր առումներով՝ ընդհուպ աշխարհաքաղաքական:

Այս տեսանկյունից շատ կարևոր է, օրինակ, թե հիմնադրամի հանդեպ իրեն ինչպես կպահի Հայաստանի և ռուսաստանահայ օլիգարխիայի, այսպես ասած, ծանր հրետանին, որ վերջին տարիներին ինչ-ինչ պատճառներով իր վրա էր վերցրել հանգանակությունների «վիճակագրական դեմքը փրկելու» գործը: Նոր իրավիճակում թե՛ հայաստանյան, թե՛ ռոսաստանահայ օլիգարխիայի համար ըստ էության քննություն է, և նրանց վարքագծից պարզ կլինի՝ նրանք հիմնադրամին նվիրատվություններն արել են բացառապես սեփական տնտեսաքաղաքական կամ կլանային տնտեսաքաղաքական շահերի՞ց ելնելով, թե՞ իրապես հայրենասիրությունից, Հայաստանին օգնելու անկեղծ մղումից ու պատրաստակամությունից դրդված: Եթե նրանք շարունակեն հանգանակությունը նույն տեմպով, ինչ վերջին տարիներին, ապա դրանով իհարկե գերազանց կհանձնեն քննությունը՝ ցույց տալով, որ, այդուհանդերձ, հայրենիքի և պետության շահը ավելի բարձր է, և հայրենասիրությունը պայմանավորված չէ հայրենիքում իշխանություն ունենալու հանգամանքով, ուղիղ համեմատական չէ դրան:

Մյուս կողմից, սակայն, անկասկած է, որ հիմնադրամի հանգանակության, համահայկական նշանակության հարցում իր վերաբերմունքը պետք է փոխի պարզապես շարքային սփյուռքահայը, որը նախկինում ասոցացնելով այն իշխանության հետ՝ զգալիորեն արդարացի կերպով չէր վստահում հիմնադրամին:

Այժմ պատկերը այլ է, և թավշյա հեղափոխության օրերին պաթետիկ, հնչեղ, աղմկոտ, բայց գերազանցապես դեկլարատիվ աջակցությունը, որն իհարկե իր հերթին կարևոր էր, այսօր, սակայն, ունի առարկայանալու կարիք, և հիմնադրամի հանգանակությանն ակտիվ մասնակցությունն այն է, ինչ կնյութականացնի, կառարկայացնի, կկապիտալացնի այդ աջակցությունը բառի բուն իմաստով: Իհարկե դա ամենևին չի նշանակում, որ աջակցությունը պետք է սահմանափակվի դրանով: Եվ գլխավորը՝ դա չի նշանակում, որ Հայաստանի իշխանությունն էլ Սփյուռքից պետք է ունենա միայն դրա ակնկալիքն ու տրամադրի միայն հաշվեհամարներ:

Հայաստանի իշխանությունը պետք է ապահովի Հայաստանի կյանքում սփյուռքահայության նաև մտավոր ներուժի, քաղաքակրթական բազմազան ներուժի ներգրավման խողովակներ ու հարթակներ, պարզապես դա, իհարկե, տևական աշխատանք պահանջող պրոցես է: Մյուս կողմից, սակայն, «Հայաստան» հիմնադրամի մասով էլ, հավեհամարներից բացի, Հայաստանի նոր իշխանությունը պետք է առաջարկի թերևս նոր համահայկական գաղափարներ ու նպատակներ՝ իհարկե առանցքում ունենալով հայկական պետականությունը:

Սփյուռքահայությանը պետք է վարակել ոչ միայն նոր իրավիճակով, այլ նաև դրա գաղափարական թարմությամբ և կոնկրետ առաջարկներով՝ մեծացնելով համահայկական հիմնադրամի գործառութային նշանակությունը:

Բաժիններ
Ուղիղ
Լրահոս
Որոնում