«Երբ մտնում ես աշխատանքի մեջ, հենց առաջին իսկ օրը պետք է պատրաստ լինես վերցնելու ողջ ծանրությունը. խնդիրները պետք է լուծենք վստահ, հաստատակամ: Փորձ չունենալը էական չէ. հայոց պատմության ամենալավ գահակալներից մեկը՝ Պապ թագավորն ընդամենը 18 տարեկան էր, որ գահակալ դարձավ, մեծ աշխարհակալ Մակեդոնացին 20-ամյա երիտասարդ էր, երբ սկսեց իր աշխարահակալ նվաճումները, այնպես որ ամեն ինչը փորձի հետ կապելը ճիշտ չեմ համարում, կարևորում եմ կամքը, գիտակցությունը, լավը կերտելու մեծ ցանկությունը, ինչը մեր երիտասարդ թիմն ունի»,- այս մասին «Առաջին լրատվական»- ի հետ զրույցում ասաց Տարածքային կառավարման և զարգացման նախարար Սուրեն Պապիկյանը:
Անդրադառնալով տեղական ինքնակառավարման խնդիրներին՝ նախարարը նշեց, որ հեղափոխությունից հետո չեզոքացված է բդեշխությունների իշխանությունը: «Համայնքի բնակիչների մեծ մասը, որ նախկինում հնազանդվում էր բդեշխներին՝ այսօր այլևս չի ենթարկվում նրանց, հասկանում են, որ այսուհետ ՀՀ քաղաքացին է այս երկրի տերը»,- նշեց Ս. Պապիկյանը:
Նրա դիտարկմամբ՝ ավագանիների մեծ մասն իրեն համարել է համայնքապետի աշխատող է, չի գիտակցել, որ առանձին սուբյեկտ է:
«Հանրությունն այլևս չի ուզում ունենալ որևէ մեկի կամակատար համայնքապետերու ավագանիներ»,- նշեց մեր զրուցակիցը՝ վստահեցնելով, որ շղթայական հրաժարականներ են տեղի ունենում, և բոլոր մարզպետները փոխվելու են. «Բդեշխները ծնվել են հանրային սեփականության յուրացման պայմաններում: Ամեն ինչ արվելու է, որ նոր բդեշխներ չծնվեն»: Նախարարի կարծիքով՝ ունենք ուռճացված մարզպետարաններ, աշխատակիցների թիվը կարող է սահմանափակվել:
Ս. Պապիկյանը նաև ընդգծեց, որ կարևոր է համարում համապետական ընտրությունները:
Մանրամասները՝ տեսանյութում: