Friday, 29 03 2024
10:15
Նավթի գներն աճել են. 28-03-24
Քարաթափում Լանջազատ գյուղի մոտակայքում
Սյունիքի միջանցքի հարցը չլուծվեց՝ անցան Տավուշ. ռուս-ադրբեջանական նոր խաղեր
Թթուջուր-Նավուր ավտոճանապարհը փակ է
Եվլախը իր ճակատին դաջած անձը գուցե հրահանգ ունի ազգամիջյան բախումներ հրահրելու
Տեղումներ չեն սպասվում
Կա ահաբեկչության վտանգ․ ՌԴ հատուկ ծառայությունները հիբրիդային պատերազմ են մղում Հայաստանի դեմ
Ոսկեպարցիներն անհամբեր սպասում են. «Հրապարակ»
Գյումրիում Նիկոլ Փաշինյանին շատ «ջերմ» ընդունելություն են ցույց տվել. «Ժողովուրդ»
Իշխան Սաղաթելյանի հոր նկատմամբ դատախազությունը հարուցել է քրեական հետապնդում. «Հրապարակ»
Դիանա Գալոյանը նոր պաշտոն կստանա՞. «Հրապարակ»
08:30
Live. «Առաջին լրատվական» տեղեկատվական-վերլուծական կենտրոն
Նոր դիվանագիտական սկանդալ է հասունանում արտգործնախարարությունում. «Ժողովուրդ»
Նիկոլ Փաշինյանը ոչինչ չի խնայում իր անձնական պաշտպանությունն անխոցելի դարձնելու համար. «Հրապարակ»
Բաղմանյանի մեղավորությունը չի հաստատվում, նրա դեմ ցուցմունք տվողը մեկ միլիոն դոլար պարտք է բանկին. «Ժողովուրդ»
Ովքե՞ր են ընդգրկված լինելու Հայկ Մարությանի նոր կուսակցությունում. «Ժողովուրդ»
Էրդողանի կասկածները եւ խաղաղությունն ու պատերազմը Կովկասում
Սուրեն Պապիկյանը ծանոթացել է նաև ՀՀ ռազմարդյունաբերության նորագույն նմուշներին
Հանրակրթության նոր չափորոշիչի ներդրմանը զուգահեռ դասարաններում կկրճատվի աշակերտների թիվը. Անդրեասյան
ՔՊ նիստում քննարկվել են եվրոպական կուսակցական միությունների գաղափարախոսությունները
«Դժվարին որոշում եմ կայացրել` չհավակնել Բարձրագույն դատական խորհրդի դատավոր անդամի թափուր տեղին». Վազգեն Ռշտունի
«Ռուսաստանը հաջողության է հասնում այնտեղ, որտեղ դրա կարիքն ունի»․ Պուտին
Հրազդանում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Վլադիմիր Վարդանյանը կմասնակցի Մարդու իրավունքերի եվրոպական դատարանի դատավորների ընտրության հանձնաժողովի նիստին
Ծեծի է ենթարկել իր անչափահաս դստերը և փորձել սեռական հարաբերություն ունենալ նրա հետ
Այն, ինչ կներվի Բաքվին, չի ներվի Երևանին. Կրեմլը բաց է խաղում
ԵՄ ներկայությունը Բաքվին հանգիստ չի տալիս
Ադրբեջանը «կլրջացնի՞» ՀԱՊԿ-ի հետ ընկերությունը
Ազատագրվել ռուսական կախվածությունից. եվրաինտեգրման առաջնահերթությունները
Դիմակներն այլևս հանված են. Մոսկվան հանձնում է իր ամենաարժեքավոր ագենտին

Մոսկվայում սպառնում են` արյան մեջ խեղդել Երևանը

«Հիշեցնում ենք, որ Հայաստանի Հանրապետությունում վերջին շաբաթներին տեղի ունեցած իրադարձությունները հանդիսանում է բացառապես Հայաստանի Հանրապետության և նրա քաղաքացիների ներքին հարցերը: Ռուսաստանի Դաշնության և Հայաստանի Հանրապետության միջև դաշնակցային հարաբերություններ կառուցելու և պահպանելու իր գործողություններում ռուսական կողմը, Երևանում դեսպանությունը չեն ելնում տարբեր անհատների անձնական կարծիքներից, այլ հավատարիմ է կարծիքին, որոնք հնչեցվել են Ռուսաստանի նախագահի մամուլի քարտուղար Դմիտրի Պեսկովի և ՌԴ ԱԳՆ պաշտոնական ներկայացուցիչ Մարիա Զախարովայի կողմից»,- ասված է ՌԴ դեսպանատան երեկ տարածած հայտարարության մեջ:

Մի փոքր արտառոց էր, որ ռուսական դեսպանատունը, որը Հայաստանում, մեղմ ասած, աչքի չի ընկնում դիվանագիտական ակտիվությամբ, նման հայտարարություն է տարածում շաբաթ երեկոյան, մանավանդ, որ Հայաստանում ծավալվող թավշյա հեղափոխության առաջնորդները քանիցս հայտարարել են, որ քաղաքական գործընթացը արտաքին քաղաքականության շրջադարձեր չի ենթադրում:

Ամբողջ խնդիրն այն է, սակայն, որ վերջին օրերին ռուսական առաջատար ԶԼՄ-ներով աննախադեպ քարոզչություն է իրականացվում Հայաստանի, թավշյա հեղափոխության դեմ և փաստորեն Ռուսաստանի դեսպանատունը փորձում է կանխել Հայաստանում անխուսափելի դարձող հակառուսական տրամադրությունները, որոնք օբյեկտիվորեն ծնվում են Մոսկվայի ագրեսիվ, ցինիկ քարոզչության հետևանքով:

Բոլոր այն մարդիկ, ովքեր քաջածանոթ են Ռուսաստանի տոտալիտար համակարգին, գիտակցում են, որ այդ երկիրը, մեղմ ասած, չի հանդուրժում բազմակարծությունը և մոսկովյան օֆիցիոզ քարոզչական հարթակներում չեն կարող հնչել, այսպես կոչված, անձնական կարծիքներ, ինչի մասին երեկ ակնարկել է Հայաստանում Ռուսաստանի դեսպանատունը:

Կամ ինչպե՞ս կարող է Կրեմլից անկախ տեսակետ արտահայտել ոչ անհայտ Միխայիլ Լեոնտևը, ով տևական ժամանակ Ռուսաստանի Առաջին ալիքի գլխավոր դեմքն էր` իր Однако ծրագրով, իսկ հիմա Պուտինի «կայսրության» կարևոր սյուներից մեկի` «Ռոսնեֆտի» փոխնախագահ է: Նա երեք օր առաջ հյուրընկալվել է Комсомольская правда-ի ռադիոյի տաղավարում և ոչ ավել, ոչ պակաս, մարմնավաճառություն է որակել Հայաստանում տեղի ունեցող թավշյա հեղափոխությունը: Հիմա ինչ` լո՞ւրջ ընդունենք դեսպանատան պարզաբանումը և համարենք, որ նավթային պետական հսկայի փոխնախագահը մասնավոր կարծի՞ք է հայտնել:

Ի դեպ, Լեոնտևի հետ նույն տաղավարում հյուրընկալված կրեմլյան մեկ այլ քարոզչական «քիլլեր»` Միխայիլ Յուրևը վիրավորանքներով չի սահմանափակվել ու ավելի կատեգորիկ է գտնվել` թերևս, ակամայից բացահայտելով այն սցերաներից մեկը, որն այս օրերին Հայաստանի իրադարձությունների հետ կապված քննարկվում է ռուսական վերնախավում:

Յուրևը Հայաստանը համարում է ոչ թե անկախ երկիր, այլ խռովարար նահանգ ու կարծում է, որ Ռուսաստանը իրավունք ունի իրեն ենթարկեցնել ավելի թույլ զարգացած ժողովուրդներին: Կրեմլյան այս «քիլլերն» ունի Հայաստանի քաղաքական ճգնաժամը հանգուցալուծելու իր «դեղատոմսը». նա առաջարկում է երկու գունդ ուղարկել Երևան և արյան մեջ խեղդել թավշյա հեղափոխությունը:

Թե Լեոնտևի և թե Յուրևի հայտարարությունները չեն արժանացել Մոսկվայի պաշտոնական քննադատությանը, ավելին`այս երկու վերլուծաբանները պահպանում են իրենց պետական և արքունական կարգավիճակներն և, ըստ ամենայնի, մտնում են այն շրջանակի մեջ, որոնց խորհուրդներով սնուցվում է Մոսկվայի պետական քաղաքականությունը:

Ռուսաստանը արյուն է հեղեղել Հայաստանի խորհրդարանում, երբ մեր երկրում ձևավորված է եղել երկրի պետական շահը գիտակցող իշխանություն, ռուսական հովանավորությամբ 2008-ի մարտի 1-ին գնդակահարվել են Հայաստանի քաղաքացիներ, ովքեր պայքարել են ազատության համար:

Անկասկած, ռուսական երկու գունդը Հայաստան կժամաներ նաև հիմա` դրամատիկ այս օրերին, սակայն, ամենայն հավանականությամբ, չի եղել «հրավեր» ուղարկողը. Սերժ Սարգսյանը գերադասեց հեռանալ, Կարեն Կարապետյանին խաղից հեռացրեցին հրապարակում հավաքված ժողովուրդն ու ՀՀԿ-ն:

Արդյո՞ք ռուսական ռևանշի վտանգը չեզոքացված է: Բացարձակապես` ոչ, և դեռ հայտնի չէ, ինչպիսի վարքագիծ կցուցաբերեր Ռուսաստանը, եթե հունիսին չհյուրընկալեր ֆուտբոլի աշխարհի առաջնությունը:

Հակված ենք մտածել, որ Մոսկվայում մշտապես մտածելու են ռևանշի մասին և ընդամենը սպասում են պատեհ առիթի և Հայաստանում փորձում են կոնսոլիդացնել իրենց հենարան քրեաօլիգարխիկ համակարգը` «ականապատելով» նաև Նիկոլ Փաշինյանի շրջապատը:

Հայկական թավշյա հեղափոխությունը սիրո և համերաշխության գործընթաց է, սակայն խիստ անհանդուրժող պետք է լինի քրեաօլիգարխիայի նկատմամբ, որը երկրի կոռումպացվածության և ռուսական վասալության խորհրդանիշ է: Հայկական թավշյա հեղափոխությունը չունի աշխարհաքաղաքական համատեքստ, սակայն խիստ սկզբունքային ու հետևողական պետք է լինի Հայաստանի ինքնիշխանության հարցում, որովհետև ռուսական ծայրագավառում չի կարող լինել ազատ քաղաքացի:

Երևանը վերադարձնելու մասին խոսում են Ադրբեջանի նախագահ Իլհամ Ալիևը և Պուտինից սնվող ռուսաստանցի վերլուծաբանները: Հետևությունները թողնում ենք մեր ընթերցողներին:

Բաժիններ
Ուղիղ
Լրահոս
Որոնում